რატომ არ ერგება ერთი ტიპის კვება ყველა ადამიანს?

ისრაელში მოღვაწე მკვლევარების მიერ ჩატარებულმა ახალმა კვლევამ აჩვენა, რომ ერთი ტიპის საკვებმა, შესაძლოა, ორ ადამიანზე სხვადასხვაგვარად იმოქმედოს. როგორ? თუკი ერთი ადამიანი ნამცხვარს ჭამს და მას შაქრის დონე ეწევა, მეორე ადამიანს შეიძლება, სრულებითაც არ მოემატოს ეს მაჩვენებელი.

ყველაზე გავრცელებული საკვები დანამატები

აღნიშნულ კვლევაში მონაწილეობა მიიღო 800-მა ადამიანმა, რომლებზეც მკვლევარები ერთი კვირის განმავლობაში სისხლში გლუკოზის მონიტორინგს აწარმოებდნენ მათ მიერვე განსაზღვრული საკვების ფონზე.

შედეგად კი, დადგინდა, რომ ადამიანების სისხლში შაქრის დონე სხვაგვარად იზრდება ან ეცემა მაშინაც კი, როდესაც ისინი მიირთმევენ ზუსტად ერთსა და იმავე ხილს, ცომეულს, დესერტს, და ა.შ ეს ფაქტი კი იმაზე მეტყველებს, რომ კვება სრულად უნდა იყოს ინდივიდის პიროვნულ მახასიათებლებზე მორგებული.

შესაბამისად, ისეთი თვისებები და ქცევები, როგორებიცაა: სხეულის მასის ინდექსი, ძილი, ვარჯიში, არტერიული წნევა, ქოლესტერინის დონე და ადამიანების ნაწლავებში არსებული მიკრობები უპირობოდ განაპირობებს სისხლში გლუკოზის რეაქციას საკვებთან მიმართებით.

ეს აღმოჩენები კი მიუთითებს იმაზე, რომ „ჭამის შემდეგ სისხლში შაქრის მატება დამოკიდებულია არა მხოლოდ იმაზე, თუ რას ვჭამთ,

არამედ იმაზე, თუ როგორ ამუშავებს ჩვენი სისტემა ამ საკვებს,“ - ამბობს კლეი მარში, დასავლეთ ვირჯინიის უნივერსიტეტის ეპიგენეტიკის მკვლევარი მორგანთაუნში.

რატომაა ჯანმრთელობის პერიოდული გადამოწმება ადამიანისთვის აუცილებელი?

მსგავსი ინდივიდუალური განსხვავებები შეინიშნება წინა კვლევებშიც: მაგალითად, წინა საკვლევ ჯგუფზე პურის ჭამა იწვევდა ჭამის შემდეგ სისხლში შაქრის დონის მატებას საშუალოდ 44 მილიგრამით თითო დეცილიტრ სისხლში საათში, ზოგიერთში კი - მხოლოდ 15 მგ/დლ*სთ-ით, ან სულაც 79 მგ/დლ*სთ-ით იმავე რაოდენობის პურის ჭამის შემდეგ.

ამ მონაცემებზე დაკვირვებით, მეცნიერები ასკვნიან, რომ მოსახლეობის საშუალო მაჩვენებელზე დაყრდნობა არა მხოლოდ არასწორია, არამედ ზოგიერთ შემთხვევაში, ეს შეიძლება საშიშიც კი იყოს.

ზოგადად, ნებისმიერი კვების რეჟიმის დროს სასურველია, ინდივიდმა მიიღოს მცენარეული საკვები, შეამციროს წითელი და დამუშავებული ხორცი, ფოკუსირდეს ჯანსაღ ცხიმებსა და ნახშირწყლებზე და იკვებოს ნაკლებად დამუშავებული საკვებით.

როგორ უნდა ვიკვებოთ ჯანსაღად?

თუმცა, მსგავსი ჩვევები დაბალანსებული უნდა იყოს იმის მიხედვით, თუ როგორი საჭიროებები გააჩნია ადამიანს და მის ორგანიზმს. მაგალითად, თუკი ერთი ადამიანისთვის კეტო დიეტა ეფექტურად მოქმედებს, მეორე ადამიანმა, შეიძლება, ის ვერ დაიცვას თუნდაც იმიტომ, რომ ვეგეტარიანელია. სწორედ ამიტომ, ასეთ შემთხვევებში დიდი გავლენა აქვს იმასაც, თუ როგორი აღქმები, ცხოვრების წესი და ჯანმრთელობა აქვსი ნდივიდს.

არსებობენ ადამიანები, რომელთათვისაც კვების მკაცრი რეჟიმი უკეთ მოქმედებს მაშინ, როცა სხვებისთვის შეზღუდვები ძალიან დიდ გამოწვევას წარმოადგენს. დაიმახსოვრეთ, რომ კვება არის ვალდებულება - და არა დროებითი მიზანი - ასე რომ, განსაზღვრეთ, რომელი ტიპის კვების რეჟიმი ჟღერს თქვენთვის ყველაზე მისაღებად და შემდეგ შეეცადეთ დაიცვათ ის, რაც შეიძლება, ჯანსაღად.

ხოლო იმისთვის, რომ კვების რეჟიმი შეადგინოთ და მისი დაცვა შეძლოთ, შეგიძლიათ, ნუტრიციოლოგთან გაიაროთ კონსულტაცია, რომელიც ამ ყველაფერს თქვენზე მორგებულად გააკეთებს. მასთან ვიზიტის დაჯავშნას კი ექიმოს აპლიკაციით მარტივად, სახლიდან გაუსვლელად შეძლებთ.

შეუკვეთე დიაბეტური საკვები ექიმოზე